விதிகளை
விலக்கி வைக்கவும் முடியாது
விதிகளுக்கு
விதிவிலக்காகவும் முடியாது
விதைகள்
விருட்சமாவதும் விதிதான்
விருட்சங்கள்
விறகாவதும் விதிதான்
பயணத்தின்
பாதைகளல்ல விதி
சந்திக்க வேண்டிய
சந்திகள்தான் விதி
பாதைகளை தீர்மானிக்கும்
பரிபூரண சுகந்திரம் உனக்கு உண்டு
சந்திகளை சந்திக்க வேண்டிய
சங்கடமான சந்தர்ப்பமும் உனக்கு உண்டு
பாதைகள் தோறும்
பதறி அழுகின்ற
பரிதாபமான நிலையில்
பலபேர் உண்டு
கணப்பொழுதில்
கடக்க வேண்டிய விதியை
கணம்தோறும் எண்ணியே
கனமான பொழுது கழிகிறது
விதிகளை
சந்தித்தே ஆக வேண்டும் - ஆனால்
விதிகளை
சிந்தித்தே வீணாக வேண்டாம்
அவ்வப்போது சந்திக்க வேண்டிய
அற்ப நொடிகள்தான் விதி - அதற்கு
ஆயுள் முழுவதையும் அர்ப்பணிப்பது
அடி முட்டாள்தனம் அல்லவா
பாதைகளில் உள்ள
சுகங்களையும்
சுவாரசியங்களையும்
சுபீட்சங்களையும்
சுவாசிக்க கற்றுக்கொள்சந்திகளில் உள்ள
சங்கடங்களையும்
சஞ்சலங்களையும்
சரிவர சுதாகரித்துக்கொள்
அனுபவம்
ஆறாவது அறிவு
அங்கங்கேயுள்ள உதாரணங்கள்
அதனைக்கொண்டு
விதியை வெல்லலாம்
விதி - உன்னோடு
விளையாட விடாதே
விதியோடு - நீ
விளையாடு ...........
கருத்துகள் இல்லை:
கருத்துரையிடுக