என் கிறுக்கல்கள்: முயலாய் முயன்றோம்

13 நவம்பர், 2013

முயலாய் முயன்றோம்

ஆளே கிடைக்காமல்
ஆமையை அழைத்தது போட்டிக்கு
அறவே மறுத்தாலும்
அடம்பிடித்து இழுத்தது முயல்

ஆயத்தமானது
ஆமையும் போட்டிக்கு
ஆரம்பமானது
அன்றைய போட்டி

முண்டியடித்துக்கொண்டு
முயல் பாய்ந்தோடியது

அரக்கி அரக்கியே
ஆமை நகர்ந்தது

ஆமை வெல்வது
அசாத்தியமானது - ஆனால்
அதுதான் சாத்தியமானது

முயல் தோற்றது
ஏற்றுக்கொள்ள முடியாது - ஆனால்
அதுதான் நிஜம்

போட்டி என்றோ முடிந்தாலும்
பேட்டி இன்றும் தொடர்கிறது

கேள்விகள்
வேள்விகளாய் எரிகின்றன

எப்படி
ஆமைக்கு சாத்தியமானது
எப்படி
முயலுக்கு அசாத்தியமானது

ஆமைக்கு
அசுர வேகம் கிடைத்ததா ?
அல்லது - முயலின்
அசமந்தபோக்கு
அசந்து தூங்க வைத்ததா ?

முயலாய் முயன்று
முண்டியடித்துக்கொண்டோடி
ஆமையிடம் தோற்று
அடங்கிக்கிடக்கிறோம் நாமும்
விடைதெரியாத வினாக்களுடன் ............

1 கருத்து:

Unknown சொன்னது…: Nyx; மார்ச் 10, 2015

கருத்துரையிடுக

இதற்கு குழுசேர்: கருத்துரைகளை இடு (Atom)

என்னை சுவாசிக்க வைத்தவளுக்கு நான் வாசித்த முதல் கவிதை அம்மா

அன்பு தோழி

உறவுகள்

சிரிக்கவே முடியாது என்று ஓய்ந்துபோன நேரங்களில் உங்களுடன் கூடவே இருந்து உங்களை சிரிக்க வைத்தவர்கள்.., எதிர்பாராத நேரத்தில் சின்ன சின்ன சந்தோஷங்களை தந்து உங்களை மகிழ்வித்தவர்கள், யாருமே உங்கள் உணர்வுகளை புரிந்து கொள்ளாத சந்தர்ப்பங்களில் உங்களருகில் அமர்ந்து உங்கள் மனச்சுமைகளை இறக்கிவைத்தவர்கள் போன்றோரை வாழ்க்கையில் வசந்தம் வீசும்போது மறந்து விடாதீர்கள்.. உங்களிடம் இருந்து எதையும் எதிர்பார்க்காமல் உங்களை உண்மையாக நேசிப்பவர்களால் தான் இதையெல்லாம் செய்ய முடியும்..இவ்வாறானவர்களை நீங்கள் வாழ்க்கையில் ஒரு கட்டத்தில் மறந்து அலட்சியப்படுத்துவீர்களேயானால் அவர்கள் உடைந்து நொருங்கி போவார்கள்.. இனி எவரிடமும் அன்பை பறிமாறுவதில் இருந்து தம் மனதை பூட்டிட்டு மூடிவிடுவார்கள்.. ஒரு நல்ல உள்ளத்தை உதாசீனப்படுத்திய பாவத்திற்காக நீங்கள் நிச்சயம் பதில் சொல்ல வேண்டி வரும்.. மறுபடியும் வாழ்வில் புயல் வீசும்.. ஆனால் துணைக்கு உங்கள் நிழலை தவிர உங்களுடன் யாரும் இருக்க மாட்டார்கள்...!!

13 நவம்பர், 2013

முயலாய் முயன்றோம்

1 கருத்து:

என்னை சுவாசிக்க வைத்தவளுக்கு நான் வாசித்த முதல் கவிதை அம்மா

எனது வலைப்பதிவுகள்